Мақомоти иҷроияи ҳокимияти давлатии ноҳияи Шаҳристон

Июл25

Шукронаи тинҷиву осудагӣ

Шукронаи тинҷиву осудагӣ

Чуноне ки Асосгузори сулҳу ваҳдати миллӣ- Пешвои миллат, Президенти мамлакат муҳтарам Эмомалӣ Раҳмон гуфтаанд: «Имрӯз терроризм ва экстремизм ҳамчун вабои аср ба амнияти ҷаҳон ва ҳар як сокини сайёра таҳдид карда, барои башарият хатари на камтар аз силоҳи ҳастаиро ба миён овардааст».  Дар ҳақиқат дар Шарқи Наздик, Африқои Шимолӣ ва як қатор кишварҳои Аврупо терроризм ва экстремизм ба хатари аввалиндараҷа табдил ёфта, ҷомеаи ҷаҳониро ба ташвиш андохтааст.

Дар айни замон доманаи фаъолияти созмонҳои террористӣ ва ифротгароӣ торафт васеъ шуда, аз ҷумла дар кишвари ҳамсояи мо- Афғонистон авзои минтақаро мураккаб гардонидааст.

Паст гардонидани шиддати таъсири ҷараёнҳои мазҳабӣ ва ё умуман манъ кардани фаъолияти онҳо дар ҷомеаи имрӯзаи Тоҷикистон ба мақсад мувофиқ аст.

Зеро ки суботу оромии ҷомеа неъмати бузург аст. Дар акси ҳол, таҳмилдиҳандагони муноқишаву муборизаҳо дар амалӣ намудани нақшаҳои нопокашон ба осонӣ комёб мешаванд. Мо бояд зирракии сиёсиро аз даст надиҳем. Вазъи ногувори имрӯзаи Сурия, Ироқ ва Афғонистони ба мо ҳамсоя, ки мардумонашон дар орзӯи сулҳу суботанд, барои мо бояд сабақомӯз бошад.

Имрӯз сокинони кишвар ҷаҳонро бо чашми хирад нигариставу ҳадафу мақсади ТЭТ ҲНИТ ва роҳбарият ва аъзоёни хиёнаткори онро хуб дарк намудаанд.

Онҳо доимо аз пайи нақшаву ниятҳои нопок ва ҷудоихоҳӣ буда, даст ба амалҳои зишту хиёнаткорона мезананд.  Бо ҳар роҳу восита кӯшиш намуда истодаанд, ки бо даъвати хоҷагони хориҷиашон ҷавонони гумроҳро ба ҳар гуна ҳизбу гурӯҳҳои ифротгаро ва ҷангҷӯй ҷалб намудаву чандин оилаҳоро вайрону ашки модарони интизор дар роҳи фарзандро равон намоянд.

Он ҳодисаи хиёнаткоронае, ки аз тарафи собиқ муовини Вазири  мудофиаи Ҷумҳурии Тоҷикистон Назарзода Абдуҳалим Мирзо, аъзои ТЭТ ҲНИТ бо кӯмаку ҳидоят ва маблағгузории хоҷаҳои хориҷӣ бо мақсади халалдор намудани вазъи ороми кишварамон ва пойдевори сулҳи пойдор ба вуқуъ омад, далели хиёнаткорӣ ва ватанфурӯшии аъзоёни ТЭТ ҲНИТ мебошад.

Имрӯз ҳар як фарди равшанзамир ва хештаншиноси кишварамон ба қадру манзалати сулҳу дӯстӣ, ваҳдату ягонагӣ ва ободониву шукуфоии Тоҷикистон мерасанд. Зеро ваҳдату ягонагии миллати тоҷик, ин қадар ободониву созандагӣ ба осонӣ ба даст наомадааст. Ин ҳама натиҷаи талошу заҳматҳои ҳамешагӣ ва сиёсати хирадмандонаю созандаи Асосгузори сулҳу ваҳдати миллӣ – Пешвои миллат, Президенти кишвар муҳтарам  Эмомалӣ Раҳмон ва сокинони меҳнатқарини кишвар мебошад. Халалдор кардани чунин муҳити тинҷу ороми кишвар ношукрӣ нисбат ба Ватан - Модар ва пешравиҳои он ҳисоб меёбад.

Роҳбари ТЭТ ҲНИТ ба қадри тинҷиву осӯдагӣ, ба қадри пешравию дастовардҳои Тоҷикистон, ба қадри дастурхони пур аз нозу неъмат, ба қадри осмони софи кишвар, ба қадри шодиву хурсандии модарону хандаҳои беғаши кӯдакон немерасад.

Имрӯзҳо низ роҳбари ТЭТ ҲНИТ олими беамал Муҳиддин Кабирӣ, ки барои ин Ватан ягон кори хайр накардааст дар хориҷа бо роҳбарии хоҷагони хориҷиаш, ки намехоҳанд Тоҷикистони биҳиштосо рӯй ба беҳбудӣ орад ва мардумаш оромона зиндагӣ ба сар баранд, аз пайи амалӣ намудани ҳар гуна амалҳои хиёнаткоронаи тарҳрезишуда мебошанд.  Онҳо ҳеҷ гоҳ ба мақсад намерасанд ва нахоҳанд расид.

Мо тавассути тамошои филми мустанади «Решаҳои ноаён», ки доир ба рафтору аъмоли хоинонаи аъзоёни ТЭТ ҲНИТ мебошад, бори дигар аз нақшаву ниятҳои нопоки аъзоёни ин ҳизби ифротгаро бохабар гардидем.

Тоҷикистон имрӯз Тоҷикистони солҳои 90-уми асри ХХ нест. Имрӯз Тоҷикистони маҳбубамон дорои Артиши миллии пуриқтидор буда, он дар ҳама ҳолат кафили осудагиву оромӣ ва сулҳу ваҳдати миллӣ мебошад. Имрӯз Артиши миллӣ ва дигар мақомотҳои ҳифзи ҳуқуқ қодиранд, ки пеши роҳи ҳар гуна ҳаракатҳои ғайриқонуниро гирифта, ҷазои  нохалафони миллатро бидиҳанд.

Лаънат ба хиёнаткорони Ватан, душманони миллати тоҷик, ба роҳбарият, аъзоёни беор ва беномуси ТЭТ ҲНИТ!

Шукронаи Ватани азизу маҳбубамон- Тоҷикистон ва шукронаи Сарвари муаззам ва халқпарвару адолатпеша - Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мекунем, шукрона мекунем, ки чунин Ватану чунин Сарвар дорем.

 

 

 

Сармутахассиси Ҷамоати

деҳоти Бунҷикати

ноҳияи Шаҳристон                          Атҳам Раҳимов

 

 

 

 

 

 

 

 

 

Навгонихо ( 25.07.2018 10:02 )
 
Июл21

Пистаи бемағз агар лаб во кунад расво шавад

Пистаи бемағз агар лаб во кунад расво шавад

Ҳизби назҳати исломи Тоҷикистон ҳизбе бкуд, ки аз рӯзҳои аввали ташкилшавиаш бо мақсадҳои ғаразнок ба майдони сиёсат ворид шуда буд.

 

Навгонихо ( 23.06.2020 08:05 ) Муфассал...
 
Июл21

Ба қадри тинҷиву оромӣ бирасем

Ба қадри тинҷиву оромӣ бирасем

Зери мафҳуми терроризм имрӯз тамоми дунё харобиҳо ва гиряҳои модару кӯдак ва чеҳраҳои аз гиря бадтари падарони аз фарзанд ҷудошударо мефаҳманд. Зеро модар ба фарзанди худ аз таҳти дил алла гуфта наметавонад, аз тарси он, ки ҳар лаҳза хонаи онҳо битаркад ва ё дар зери зулму ситами шахсони нохалаф қарор мегиранд. Агар ба пои фарзанд хоре халад модар чи қадар ғамгин мешавад. Шумо алҳол он модаронро тасаввур кунед, ки фарзандони онҳо ба мактаб рафтан таълиму тарбия гирифтанро якҷо гузорем, ҳатто намедонад ки пагоҳ фарзанди ӯ дар кӯча бози мекунад ё бо шиками сер хӯрок мехӯрад ё на.

Албатта дар ин ҷангҳо аз ҳама бисёртар кӯдакон зарар мебинанд. Мо ҳар рӯз дар оинаи нилгун аз кадом шабакае набошад мебинем, мамлакатҳои ҷангзадаро аз қабили Сурияву дигарҳоро нишон медиҳанд, ки як ҷое таркидааст ё шахсе дар байни одамони бисёр худро таркондааст ва одамони зиёди бегуноҳ фавтидаанд. Ё чеҳраи кӯдакони бечораро ки аз падар ё модар дур мондааст, ё модару падари хоксору ғамзадае ки аз чандумин фарзанди худ ҷудо шудааст. Ин мамлакатҳо вайрону валангор ва барои аз нав бунёд намудани онҳо чи қадар маблағ ва меҳнати зиёд ва солҳои тӯлони зарур аст. Иқтисодиёти мамлакат ба тамом поён рафта вазъи иҷтимоии аҳоли дар ҳолате қарор дорад ки одамон гурусна ва онҳо дар фикри он ҳастанд ки имрӯз шиками худро сер карда метавонанд ё не. Қисми зиёди одамони ҷангзада аз ватани худ фирор карда дар сарҳадҳо сарсону ҳайрон ва қисми дигари онҳо дар баҳрҳо нобуд шуда истодаанд.

Чуноне, ки Асосгузори сулҳу ваҳдати миллӣ Пешвои миллат Президенти Ҷумҳурии Тоҷикистон муҳтарам Эмомалӣ Раҳмон гуфтаанд «Террорист ватан, миллат ва дину мазҳаб надорад» мо бояд ба ин гуфтаҳо аҳамияти ҷиддӣ диҳем зеро ин гуфтаҳо исботи худро аллакай ёфтааст. Нохалафон зери шиори «Аллоҳу акбар» одамони бегуноҳро мекушанд ва дар шариат куштани одами бегуноҳ дар ягон манбаъ ё китобе дуруст шуморида нашудааст. Мо бояд аввалан мафҳуми Исломро худ дуруст дарк кунем ва ба насли наврас бифаҳмонем то гирифтори фиреби дигарон ба монанди шахсоне ки фирефтаи хоҷагони бегона гашта дар зери доми онҳо гирифтор шуда ҳоло дар мамлакатҳои ҷангзада дар даст силоҳ ва аз ватану модар дур монда боз ба худ ҳар гуна лақабҳои исломи гузоштаанд нашавем. Зеро даромади аслии он хоҷагони бегона низ аз вабои дигари аср ба монанди нашъаю нашъаҷаллоби ба даст меояд.

Мо бояд шукронаи онро кунем, ки  дар мамлакати биҳиштосои тинҷу ороми пур аз хандаи беғубори кӯдаку модар ва таъмини амният дошта зиндагонӣ мекунем, ва нагузорем, ки нохалафе ба ин тинҷии мо зиёне расонад ва оромии мову кӯдакони беғубори моро вайрон намуда, фардои онҳоро барбод кунад. Ба тарбияи дурусти фарзандони худ аҳамияти ҷидди диҳем, аз ҳоли онҳо бохабар бошем, ки оё ба мактаб рафта истодааст ё не, ё пас аз дарс ба куҷо меравад. Онҳоро бо телефонҳои гаронбаҳо таъмин кардаем ва онҳо аз он чи гуна истифода бурда истодаанд ва дар шабакаҳои интернети бо чӣ машғуланд. Зеро аскарияти равияҳои террористи аз шабакаҳои интернети истифода бурда ҷавонони сода ва одамони аз дин бехабарро ба худ ҷалб карда онҳоро ба мамлакатҳои ҷангзада даъват мекунанд. Имрӯз падару модаронро зарур аст, ки  дар дили насли наврас бояд меҳру муҳаббатро нисбати китоб бедор кунанд. Фаҳмонанд, ки гузаштагони мо чи тавр дунёро гирифтаанд бо силоҳ не балки бо дониш.

Имрӯз дар Тоҷикистони азизи мо барои таъмини насли наврас бо китобҳо ва барои соҳибмаълумот шудани онҳо ҳамаи шарту шароит муҳайё карда шудааст дар ҳамаи шаҳру ноҳияҳо китобхонаҳо сохта шуда истодааст. Сол аз сол сафи донишҷӯён зиёд шуда истодааст. Мо бояд насли наврасро дар руҳияи ватандӯстиву инсонпарварӣ ба воя бирасонем ва ба қадри сулҳу ваҳдати миллӣ бирасем, зеро ин ваҳдату оромӣ ба осони ба даст наомадааст ва ба ин неъмати Худо шукрона кунем.

Ғайрат Раҳимов

Навгонихо ( 21.07.2018 04:47 )
 
Июл20

«Зуҳури ақоиди номатлуби замон»

 

«Зуҳури ақоиди номатлуби замон»

 

Дар замони муосир мардуми аксари мамолики Шарқи мусулмонӣ бар асари маҳрумияту вобастагии фикрӣ, иҷтимоӣ, сиёсӣ, маданӣ, иқтисодӣ ва амсоли инҳо бар гирдоби тероризм ва экстремизм меафтанд ва бо назардошти шароити сиёсӣ ба доми муборизаҳои динӣ-мазҳабӣ дар манотиқи Шарқ шомил мегарданд. «Ихвон-ул-муслимин», «ал-Қоида», «Ҳизб-ут-таҳрир», «Ҷабҳат-ун-нусра», «Ансоруллоҳ», ДОИШ созмонҳои сиёсии исломӣ дар шароити имрӯза тавлидгари асосии низомҳои ифротӣ-экстремистӣ дар манотиқӣ Шарқи мусулмонианд. Созмонҳои мазкур бо ҳам пайванди безанҷиранд ва фаъолияти худро дар дилхоҳ давлатҳо бо ташкил кардани намояндаҳо бо гурӯҳҳо ва бо таъсирот  ба ҳизбҳои сиёсӣ амалӣ менамоянд.

Тероризм ва экстремизм ниҳоди ба ҷомеа хавфнок буда, аз тарафи созмонҳои мазкур амалӣ карда мешавад. Зуҳури ақоиди номатлуби замон ба воситаи шабакаи босуръати ҷаҳон аз тарафи созмонҳои муташаккил бо ҷалби ҷавонон роҳандозӣ мешавад.

Ин аст, ки ҷомеаи мутамаддини ҷаҳонӣ бо ин гурӯҳу созмонҳои хавфнок мубориза мебарад ва дар ҳар минтақаи рӯшан садо бар зиддӣ ифротгароён баланд аст. Аз ҷумла, дар Тоҷикистон низ муқовимат бар зиддӣ тероризм ва экстремизм   назаррас аст. Ба Ҷумҳурии навтаъсиси худ назар афканем, мебинем, ки ба доми ҷанги шаҳрвандӣ афтода, гурӯҳи намояндагии созмонҳои сиёсии исломӣ, ҲНИТ фаъолияти терористӣ ва экстремистии густурда доштанд.  ҲНИТ ҳамчун созмони терористӣ ва экстремистӣ ҳисобида шуда, фаъолияташ маҳкум карда шуд.

Аз рӯи хулосаҳо бармеояд, ки шомилшавии ҷавонон ба равияҳои гуногуни ифротӣ ба воситаҳои шабакаҳои интернетӣ ё даъвати шахсони алоҳида, ки  ин пеш аз ҳама аз маҳфи бесаводӣ, надоштани касб, дониши динӣ, сиёсӣ, фақирӣ ва амсоли инҳо буда метавонад. Терористон инсонҳоро ба ҳадде зери тасарруфи худ мегиранд, ки ба мафҳуми «манқурт» баробарӣ мекунанд. «Манқурт»- инкоркунандаи таърихи худ, он ки мағзаш хушк шуда бошад ва ҳатто даст кашидан аз падару модари худ шарҳ шудааст. Бо ин роҳ терористон  ақидаҳои номатлуби худро аввалан бо шомил намудани ҷавонон, омода сохтан ва баъдан амалӣ намудани корҳои ҳадафнокӣ худро иҷро менамоянд.  Барои номусоид намудани вазъи оромии ҷаҳон ҳамеша кӯшиш менамоянд  ва бо ин роҳ мехоҳанд музде ба даст ва дунёро сарвари карда бошанд.

Аз ин хотир моро зарур аст, ки барои пешгирии шомилшавии ҳар фарди ҷомеаи мутамаддин ба  ҳизбу ҳаракатҳои ифротгаро кӯшиши зиёд намоем. Фазои холиро бо азхудкунии илми муосир пур намуда, барои нигаҳдории таъриху маданияти миллату давлати хеш кӯшиш ба харҷ диҳем ва барои рушду нумӯи кишвари маҳбубамон саҳм гузорем.

 

Омӯзгори  МТМУ №1 ба номи К. Хуҷандӣ     Каримов З

Навгонихо ( 20.07.2018 12:11 )
 

Шаҳристон