Ба ҳамаи мо маълум аст, ки Ҳукумати Тоҷикистон аз ибтидои соҳибистиқлолӣ назди худ се ҳадафи муҳими стратегӣ гузошта буд, ки зина ба зина барои расидан ба онҳо пеш мерафт. Инҳо баромадан аз бунбасти коммуникатсионӣ,таъмини амнияти озуқаворӣ ва расидан ба истиқлолияти энергетикӣ мебошад.  Давоми солҳои соҳибистиқлолӣ Ҳукуматӣ мамлакат барои таъмини рафтуомади мардуми кишварамон ба ҳама минтақаҳо корҳои зиёдеро ба сомон расонид. Илова бар ин, ба муносибати 30-солагии Истиқлоли давлатиамон иншооти гуногун, мактабу муассисаҳои таълимӣ, корхонаҳои хурду бузург, таъмири роҳҳо, ифтитоҳи нақбу пулҳо сохтаву мавриди истифода қарор гирифт. Ин ҳама ободкориҳо ба хотири зиндагии осоиштаву босаодати халқи кишварамон аст.

З.Ғоибова