-ВОХӮРИВУ СӮҲБАТ ВОБАСТА БА СОЛИ 2024 – СОЛИ МАЪРИФАТИ ҲУҚУҚӢ

04.10.2024 сол н.Шаҳристон

Имрӯз дар асоси нақша чорабиниҳои сабти асноди ҳолати шаҳрвандии вилояти Суғд бахшида ба 30 – солагии Конститутсияи Ҷумҳурии Тоҷикистон ва эълон гардидани Соли 2024 – Соли маърифати ҳуқуқӣ дар толори муассисаи давлатии таълимии литсейи касбии агросаноатии ноҳия вохӯри баргузор гардид.

Дар вохӯрии мазкур Ҳоҷимуродзода Ҷасур – муовини раиси ноҳия, Муҳиддинов Боймурод – мудири шуъбаи рушди ичтимоӣ ва робита бо ҷомеаи дастгоҳи раиси ноҳия, Муҳаммадӣ Дилноз – мудири сабти асноди ҳолати шаҳрвандии вилояти Суғд, Бойзоқова Зарифа – мудири бахши кор бо занон ва оила, Ҷумазода Мухбира мутахассиси пешбари сабти асноди ҳолати шаҳрвандии вилояти Суғд ва Далерзода Маҳина – мудири бахши сабти асноди ҳолати шаҳрвандии ноҳияи Шаҳристон иштирок ва суханронӣ намуданд.