Мақомоти иҷроияи ҳокимияти давлатии ноҳияи Шаҳристон

Бедонишӣ - омили нооромии ҷомеа

Ҷомеаи имрӯзаи ҷаҳон бо суръати кайҳонӣ пеш рафта истодааст. Инсоният ашёҳоеро ихтироъ карда истодаанд, ки кори ҳамарӯзаи онҳоро осон намуда, барои пешрафти илму фан саҳми арзандаи худро гузошта истодаанд. Пешрафти илму техника албатта ёрии аввалиндараҷаи худро барои одамон мерасонад, аммо дар ҷомеа афроди бадтинате низ пайдо мешаванд, ки ҳамаи ин тараққиёту воситаҳои ёрирасонро барои манфиатҳои щаразноки худ истифода мебаранд ва ҷомеаро ба нооромиву харобаҳо оварда мерасонанд. Албатта ин ҳама маҳсули кори як нафар ё ду нафар нест. Гурӯҳи одамоне ҳастанд, ки оромии халқро дида наметавонанд ва ҷомеаро ба нобудӣ оварда мерасонанд. Ин гуна афрод ҳатто падау модар, хоҳару бародар ва хешу ақрабояшонро дар роҳи ба мақсади нопоки худ расидан қурбон мекунанд. Мансаб барои онҳо аз ҳамаи наздиконашон боло меистад ва дар роҳи ба мансаб расидан ҳамаи онҳоро қербон месозанд. Ин гуна шахсонро дар ҷомеаи имрӯзаи ҷаҳонӣ бо номи нангини «террорист» мешиносанд ва ҳама нисбати онҳо нафрат доранд.

Мушовири шуъбаи маориф Муллоева М

Бо амалҳои ношоиста наметавон руҳияи ҷавононро шикаст

Мо ҷавонони даврони соҳибистиқлол фахр аз он мекунем, ки дар чунин ватани ободу озод тинҷу осуда зиндагӣ дорем. Имрӯз барои мардуми тоҷик хусусан ҷавонон тамоми имкониятҳо фароҳаманд, то ки зиндагии худро мустақилона пеш баранд, мувофиқи хоҳиши худ донишандӯзӣ кунанд. Сабабгори ҳамаи ин тинҷиву осудагии мардуми тоҷик маҳз хираду корбарии зираконаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад, ки маҳз бо кӯшишу талошҳои ин марди осмонӣ Тоҷикистон аз вартаи ҳалокат раҳоӣ ёфт ва роҳ сӯи рӯшноӣ пеш гирифт.